 |
Questa pagina a no l'è stæta corretta. | |
166
Ra vuóeggia de miráro ciù cresceiva
Quanto ciù a ro miráva: o se voltà
D'in brazzo dro nò Puoére (che o finzeiva
D'ésse so Figgio) e Dido o l'agueità.
Lié, che dro má futuro a nò se avveiva,
L'abbrazzà, ro baxà, ro revoltà:
Se ro strenzè à ro pieto co' re muoèn,
E così a se allevà ra biscia in sen.
167
Ro precetto Cupido ramembrando
Dra Muoére: A Dido da ro cuóe o levà
De Sichéo ra memoria; e in lié vibrando
Nuóevi affetti, l'ardó o ghe revivà.
Eran finij ri cibbi, e zà sgombrando
Stávan re Mense: Quande se innovà
L'invío con sciuói políte, e dri tazzuoìn
Per tutti alliegri incoroná ro vìn.
168
Se fè un rumó in ra Sala, e in ro Cortí
De voxe alliegre, che à ro Cié s'erzeivan
Con mille lampe d'oro fèn partí
Ra Nuóette, che ardentissime splendeivan
Pareia de Miezo giorno: Fè allestí
Dido un gran Vaso, onde ri Suóe beveivan
In ri Banchetti: Ben de sciuói a l'ornà,
L'impì de vieggio vin, puóe a l'intonà.
