 |
Questa pagina a no l'è stæta corretta. | |
Giusti Rappresentanti Çittadin,
Chi v’assegûa ciù manco in sciù a carega,
Se no sernei frà stà canaggia intrega
Sti scribi arristocratici beghin.
Desciaæghe[sic] unna votta ò sœu destin,
D’unna Constituzion, chi i scanna, e nega,
A serâ finarmenti esta buttega,
De bili, e prepotenze mazaghin.
E se ve crian, che vœuan l’indennitæ;
Respondeighe de ficco a questi vegi;
Chi ghe n’ha se repiggie i sœu dinæ;
Ma pœu deffœua, nisciun s’attacche ai spegi,
Che se en sarve de tutti e propietæ,
Son a casa da pæsta i privilegi.
