Pagina:Comeddie.DeFranchi.1830.djvu/581

diavi da Curia çivî e criminâ, an-nimo diggo!

Ger. Fræ cao, se foisci stæto un ommo ciù raxoneive, averessimo piggiaò atre mezure.

Diaf. Taxeì lì, falsario indegno. Voî sei quello che m’eì venduo comme un Giudda! A bile me scanna... Voî quello chi m’hà tradio... creppo... scciatto de raggia, de magon... scellerati, perfidi, iniqui... Ve farò vedde chi son (parte infuriato).

(Tutti restano alcun tempo muti guardandosi l ’un l’altro, attoniti e ridendo, finalmente rompe il silenzio).

Ger. Non se sciaratemmo, conoscio l’umô de mæ fræ. Bezœugna lasciao sfogâ. Quando o l’aveà ben sbattuo, son çerto co torneà in lê, e o s’accomodeà a tutto quello chi è fæto. Çinquanta miria lire de dœutta, e un ereditæ grossa in casa, son bon-ne a fâ passâ a raozía a chi se sæ. Andemmo a rende informaò dell’occorso o sciô Tarquinio, e a regalâ comme meritan Tiburzio e Argentin-na de tutto quello che han operaò in nostro favô. E se son contenti, e d’accordio a conclude o sò matrimonio.

Arg. / Tib. Contentissimi, e d’accordio comme muze.

Tutti Andemmo.


Fine della Commedia