Pagina:Comeddie.DeFranchi.1830.djvu/544

SCENA V.
Diaforio, e Geronzio.


Ger. Guardæ un poco, Fræ caro, che ommo sei. Dæ in desbaratti con questo povero diavo, e per cose? perchè o l'ha fæto tutto quello che gh'ei comandao.

Diaf. An-nimo, sciô dottô, a e vostre solite leçioin: agiutæ voî ascì a fame ascadâ o cran-nio.


SCENA VI.
Grilletto, Diaforio, Geronzio.


Grill. Pappâ, Pappâ? (allegro).

Diaf. Cos’è quest’allegria, insolente?

Grill. Ancœu hò fæto a mæ composizion senza eroî. Guardæ, guardæ.

Diaf. Hò da fâ.

Grill. A l’è curta curta, ve sbrighæ in un momento.

Diaf. Non ho de spegetti.

Grill. Ve a lezerò mì.

Diaf. N’ho mai visto un figgiœu ciù tedioso de lê.

Ger. (da se) E s[']o non foisse o sò beniamin!

Grill. Primma ve lezerò l’italian. (legge) Gli uomini. Aomanco a non è un-na composizion scua comme quella de jeri. (continua a leggere) Gli uomini di malo umore, che