 |
Questa pagina a no l'è stæta corretta. | |
gan ciù à
pensâ sorve de mi, che non ne vœuggio fâ dro ninte.
Ott. Non ve dubitæ, che son à ro fæto dre vostre intençioin.
Fab. E mi vaggo fin d'aora à deciârâte[sic] mæ erede
universale, e fâte patron de quanto ho à ro mondo.
Ott. Han da crepâ de raggia tutte dôe. Conoscio ro sò umô.
Stævene quieto. Sò cose gh'ho da dî. Poi tornerò subito à
dâve conto de tutto (via).
Fabriçio, Pasquin-na.
Fab. Aime mì! doppo che ho fæto questa ressoluçion me
poæro recoverao, me sento ciù leggiero, son squæxi
guarío. Cose te pâ, Pasquin-na?
Pasq. Caro sciô patron, e chi è mai quello, chi posse
dezapprovâ un-na ressoluçion de sta fæta, chi pâ zittâ
int'ro scagno dro dottô Bódiçon, s'o foîsse vivo, o dro
quondam Lardo Manuçio? Hei fæto un'açion degna d'un
Lisciandro Magno.
Fab. Cose gh'ha da fâ Lardo Manuçio, Lixandro Magno,
cera de nescia?
Pasq. Sò assæ; mi non ho de lettera. O sarà Quinto Curçio.
