 |
Questa pagina a no l'è stæta corretta. | |
Suonatori, e Detti.
Suon. Sciô Pancrazio, quelli Marcheixi, e Conti se ne van sença finî o zœugo. Noi emmo sunao in casa vostra, e l'è de raxon che segemmo paghæ. Aregordæve che a i sunoei non ghe vœan de mattinæ, dixe o proverbio zeneize.
Pancr. Scì scì ve vœuggio contentâ, l'è ben giusto. (li bastona) guardæ se questa è bon-na monæa? Seivo contenti ne voei ciù. (Suonatori fuggono) (alterato). E non sò chi me tegne, che non ve carreghe tutte doe de bacchæ a peizo vegio voî ascì... mascarsonasse impertinenti, che sei deventæ a foa de banchi, de veggie, e di butteghin. E vostre stravaganze, i romanzi, e vostre canzonette, Metastasii, Arcadie in Brenta, Caluandri fedeli, sonetti, e sonette. Passæme avanti, andæ a piggiâ l'agoggia, e a roucca... Via... Dæghea. Dæghea. Ciocchæ tutti, ciocchæ.
