 |
Questa pagina a no l'è stæta corretta. | |
nostri servitoî; e l'è de poco vostro decoro, che ne i andæ dezaviando comme ei fæto!
Mom. Oh! oh! che insolenza! son confusa!
Flor. Non averan ciù o comodo de servise di nostri abiti per vegnive a fâ o bello, o cascamorto, e o galante, e se vorei fâghe l'amô sarà per o sò bello mostasso (agli Sgherri) alon, alon, presto despogæi subito.
Cont. (con enfasi). Addio Contea, addio addio belli abiti gallonati.
March. (in tono da Poeta). Povero Marchesin ridotto al verde.
Flam. (fra tanto che gli sgherri li vanno spogliando). Tanta odaçia de finzese Conti, Marcheixi con i nostri vestî. Anderei a çercane da o Cin, o Sotteriva da i repessin per parei ben a e vostre belle.
Flor. A l'è un pò troppo crua, de scacciane noî, e de scacciane con i nostri mæximi abiti gallonæ.
March. (in tuono poetico mentre lo spogliano). Ah fortuna incostante, e scelerata!
Flam. Levæghe tutto, lascæi in camixa.
Flor. (spogliati che saranno del tutto). Portæ via tutte queste robe. Aora Signorette in o stato che son poei continuâ a fâ l'amô quanto vorei, che ve lascemmo con tutta a vostra libertæ; e se protestemmo, che non
