 |
Questa pagina a no l'è stæta corretta. | |
Arg. O m'ha nominao un çerto Marcheize Buffalaballa.
Mon. Oh cara, un Marcheize! un Marcheize! presto dighe ch'o l'è patron, c[h']o vegne. Çertamente o sarà quarche bello talento chi averà sentio parlâ de noî.
Cat. Senza dubio cara, dî benissimo.
Mom. Bezœugna reçeivero in o salotto de damasco. Demose recatto a comparighe de bon gusto; e sorvetutto sostegnimmo o nostro sussiego. Argentin-na piggia un poco o conseggiê de nostre grazie.
Arg. In veritæ non sò che razza de bestia sæ questa. Se vorrei che v'intende non mæ stæ a parlâ turco.
Cat. Che ti ne porti o spegio, goffon-na, e guarda ben d'anxaghe dentro per non appanâ o cristallo. Andemmo (via tutte).
Monodda, Sussapippe, Facchini,
Marchese Buffalaballa.
March. Olà, olà fachini, camalli, portantini! che diavolo fate con tanto urtare? volete farmi rompere l'osso del collo? Fermate, fermate!
Mon. (Si ferma con la bussola, o sia seggiola, il Marchese scende). Ma Signore. Vussi
