 |
Questa pagina a no l'è stæta corretta. | |
a a luxe un-na figgia de tanto spirito, e talento comme mi! Dove s'è mai sentio in stile colto, e polito parlâ de Gironima, Catarin-na. E non m'accorderei, che un de questi nommi solo saræ capaçe de fâ perde a reputazion a o ciù bello romanzo do mondo?
Cat. Sciô Barba, l'è innegabile che un'oreggia delicâ patisce estremamente a sentî prononçiâ çerti nommi oscuri, e da canaggia. Quello de Momin-na, che s'ha piggiaò vostra figgia, e questo de Catin, che me son dæta a mi, han atra grazia, che Gironimin Gironimetta, Cattarin Cattarinetta. Bezœugna che ve ghe dæ paxe.
Pancr. Sentime; in poche parolle, mi ve diggo, e ve torno a dî, che non avei atri nommi che quelli avui da o bateximo. Per quanto riguarda poi a quelli doî galant'ommi, ch'ei reçevuo con coscì poca creanza, i conoscio; conoscio e loro famigge, ne sò i costummi, o carattere: e ressolutamente vœuggio, che i piggiæ per maríi, se vorran degnase d'açettave con tutte e vostre smorfie. Son stracco d'aveive a collo; e o l'è un carego troppo pesante d'avei a fâ a guardia a doe figgie fantin-ne per un ommo da mæ etæ (con enfasi) m'ei capio?
Cat. O sciô Barba dixe benissimo; ma posso
