 |
Questa pagina a no l'è stæta corretta. | |
Pancr. Ma cose ghe trovœu[1] a dî?
Mom. Bella manea de fâ l'amô! (ride). Ah, ah, ah. Començâ con un-na proposizion de matrimonio!
Pancr. O questa l'è de nœuve! e per donde vorresci che avessan començaò? Da o zœugo de stopa, o da quello de carabraghe. Cere de nescie. Doveressi ringraziari, e laodave da sò sccettessa. Questa manera de proçede a ne dà un-na prœuva segura de sò bon-ne intenzioin.
Mom. Pappà caro cose sento? Ho rossô de sentive parlâ coscî! son cose da canaggia, da plebei i matrimonii fæti in sta manera. Bezœugna mettese un poco all'onô do mondo, e piggiâ un'aria nobile, e signorile.
Pancr. Mi non sò cosa fâme ni d'arie, ni de canzonette. Ve diggo, che o matrimonio o l'è un contræto come tutti i atri; e a gente comme se dæ a non o deve començâ diferentemente.
Mom. Se tutto o Mondo foîsse dro vostro sentimento, i Romanzi sareivan començæ e finíi presto. Che bella cosa, che Ciro pigiasse per moggê Mandane, e che Aronzio deventasse mario de Clelia in un momento.
Pancr. Cose me vegni tu a contâ d'Aronzio, e de Clelia, de Ciro, e de Mandane, non
- ↑ cor. trovæo
