 |
Questa pagina a no l'è stæta corretta. | |
procede questa cosa! poæran impettæ! vœuggio informamene un poco. Chi è de là?
Argentin-na e Pancrazio.
Arg. Cose sciâ comanda?
Pancr. Dond'æle quelle signorette?
Arg. Son in terazza.
Pancr. Cose falan?
Arg. Pomâ da dase a i labri per l'arsua.
Pancr. Tanta pomâ da fâ sette servixi! dighe che ghe vœuggio parlâ (Argentin-na via).
Pancrazio solo.
Pancr. Queste petegore con tante pomæ, me vœuran mandâ in rovin-na; non se vedde âtro in quella casa, che gianco d'œuvo, læte verginale, onguenti, e porcarie ch'an misso in uso, doppo che son vegnue a Zena. Me creddo, che ogni giorno fassan o massacan, o pittô per crovise a faccia de gianchetto, e de rossetto. De modo tale, che se piggeran mario, o non se porrà mai vantâ d'avei visto a sò faccia. Ne conoscio de belle, che quando eran figge, e anda
