 |
Questa pagina a no l'è stæta corretta. | |
Ber. Mi no sò cose credde. Ti me fæ immattî. Monodda, a non è così liscia. Basta vœuggio sbrigâme d'andâ à fâ portâ ra mæ roba, che tornerò subito, e poi quarcósa resolverò. Fermate chì, che aora aora vegno. Non se pœu quietâ (via).
Mon. E mi anderò à çercâ ro sacchetto.
ARGENTIN-NA, E MONODDA.
Arg. Monodda, addio. Ti ro sæ che l'è arrivao ro sciô Berto?
Mon. Ben che l'è vero, e de ciù ho scoverto un tesoro.
Arg. Comme un tesoro?
Mon. No çercâ d'avantaggio. Vattene in cantin-na, a ra senestra intrando dentro, sotto ra callastra vexin a ra porta, che gh'è un sacchetto con mille doppie de Spagna. Presto, presto, mettiro in seguro.
Arg. Ti dî davei?
Mon. Se perdemmo in parolle. Fa quello che te diggo subito; che l'è chì ro sciô Berto. Te dirò poi ro resto. Fa politto. Aora l'è ro tempo d'inventâ fandonie... l'è chi lê, l'è chi lê.
