 |
Questa pagina a no l'è stæta corretta. | |
Mon. Questo è ro vero moddo d'accomodâ un-na parte e l'âtra. Cose ve ne dixe ro cœu?
Ott. Oibò! Questa sorte de matrimonii non me dan int'ro genio. Mi son de libertæ: non dipendo da nisciun, e vœuggio un marío indipendente comme mi.
Mon. Benissimo pensao. Non gh'è ninte de ciù comodo, che d'avei ra brilla in collo tutti dôi. Ma l'è chi ro sciô Marcheize, chi ven con pontualitæ a sganascià. E mi vaggo a vei, se se dà recatto à ro disnâ.
MARCHEIZE, OTTAVIETTA, CICCHIN-NA,
Mar. Serviteur, mes amis. Ah medames, sono sciarmato de vi vedere. Voi mi aspettavate. Va bene, va bene; io sono l'anima delle vostre partite di piacere, le primiere mobile della conversazione. A che segno siamo? è pronta la tavola per mangiare? Si sposeremo? averemo del buon vino in abbondanza? Allons, allons. Allegramente. Io non sono mai stato di così buon umore. Vi sfido a farmi stare melanconiche.
Ott. Veramente, sciô Marcheize, ve sei fæto aspêtâ.
Arg. A saræ ancon de bella, che un Marcheize
