 |
Questa pagina a no l'è stæta corretta. | |
Mon. Scì.
Ger. Ti piggeræ tutti i mæ vestî de dosso, e ti i anderæ
a vende a o repeççin per rescattâ mæ figgio.
Mon. (ride). Ah ah ah. Creddo che stravaniæ! quando
ne troverò un çento de lire de tutti i vostri abiti, saremmo
a segno, e poi avanti che i aggæ vendúi o sarà zà in
Barbaria.
Ger. Ma cose diavo o l'è andæto a fâ sciù sta galera?
Mon. Queste son tutte parolle buttæ a o vento. Lascæ
da parte questa galera, e arægordæve, che o tempo passa,
e che andæ a reizego de perde vostro figgio (piange)
ah povero mæ patron chi sà, se ve viò mai ciù in tempo
de mæ vitta! e mentre che se perdemmo in parolle forsi
o sarà zà sciù o cavo de Noli! ma o Çê me sarà testimonio
che da canto mæ ho fæto tutto quello, che ho possuo,
e che s'o non sarà rescattao ne sarà caxon o poco
amô d'un poære verso so figgio.
Ger. Monodda, aspêta, vaggo a çercâ i dinæ.
Mon. Sbrighæve, che tremmo de poia, che passan e
due ore.
Ger. O non t'ha dito co vœu quatroçento scui?
Mon. Nò, nò, çinqueçento v'ho dito.
Ger. Çinqueçento scui?
Mon. E dalli? si signor.
