 |
Questa pagina a no l'è stæta corretta. | |
SCENA I.a
Ott. Ah ! che noeuva cattiva! e che noeuva destomagosa
per un coeu innamorao comme o mæ!... A che passo
estremo me troeuvo reduto!... Dunque Tiburçio ti hæ sapuo,
che m'æ Poære è de retorno?
Tib. Sì Signor.
Ott. E ch'o l'arrivò stamatin mæxima?
Tib. Stamatin mæxima.
Ott. E ch'o ven resoluto de dâme moggê?
Tib. Sì Signor.
Ott. E ch'o voeu che piggie a figgia dro sciô Geronzio?
Tib. Do sciô Geronzio.
Ott. E che questa so figgia ven a posta da Trieste?
Tib. Sì Signor.
Ott. E queste notiçie te i ha dæte mæ Barba?
Tib. Vostro Barba.
Ott. Che o i hà avue da mæ Poære per mezo de lettera.
