 |
Questa pagina a no l'è stæta corretta. | |
e doveressi avei ra bontæ de sentîme. Ovvia dæ un poco retta à ri galantommi.
Panc. Scuzæme: non ghe veddo ciù, son pin de raggia e de venin.
Fab. Quietæve, ve ne prego.
Panc. Cose voressi?
Fab. Vorræ dîve quattro parolle.
Panc. Con che lengua vorei parlâ con mi?
Fab. Con che lengua?
Panc. Sì.
Fab. Oh poter de bacco! con quella che hò in bocca. Hò da fâme prestâ un âtra lengua da ri vexin?
Panc. Diggo in che idioma, de che naçion?
Fab. Oh quest’è un âtra cosa.
Panc.' Me vorei parlâ Toscano?
Fab. Nò.
Panc. Spagnollo?
Fab. Nò.
Panc. Todesco?
Fab. Nò.
Panc. Ingleize?
Fab. Nò.
Panc. Latin?
Fab. Oibò.
Panc. Greco?
Fab. Nò.
Panc. Ebreo?
Fab. No.
Panc. Siriaco?
Fab. Nò.
Panc. Turco?
Fab. Nò.
Panc. Arabo?
Fab. Nò, nò, nò, zeneize, zeneize. zeneize.
Panc. Ah ah. Zeneize dunque.
Fab. Laodao sæ ro çe! ghe sei pù arrivao un-na votta!
