Pagina:Comeddie.DeFranchi.1830.djvu/217

ATTO UNICO.


SCENA Ia.
Fabriçio , poi Girœummo.

Fab. (verso la scena) Fra poco sarò de ritorno. Aggæme inemente à ra casa, che tutto vagghe con bon ordine. M'avei inteizo? (si sente rispondere di dentro) Sì , signor.

Fab. Lanfragnan , parlo con ti. se qualchedun vegnisse à portâ dinæ, piggia de longo; e se mai non voressan lasciâri , mandame à ciamâ in casa dro sciô Girœummo. Se poi portassan dri conti da scœuve, digghe che son fœura de casa, che non tornerò sin a meza nœutte. M’hæto capío[?] (si sente rispondere come sopra) Sì, signor.


SCENA II.
Girœummo e Fabriçio.

Gir. Questi son ordini da ommo de giudiçio!

Fab. Oh sciô Girœummo galante! ve trœuvo giusto à propoxito. Vegnivo in çerchia de voî.