 |
Questa pagina a no l'è stæta corretta. | |
Ghig. Mi no gh'acconsento ninte affæto.
Poist. Portæro prexon.
Ghig. Prexon? gh’è cattivo stâ. Lascæme andâ almeno à casa à dîghe che no m'aspetan....
Poist. Non ve ro lascæ scappâ.
Pat., Ghig, Poist., Col., Val., Enrich.
Pat. Eccove ro contræto desteizo. Sciô Ghigermo, me despiaxe dra vostra desgraçia! ma son chì con tutta ra mæ famiggia, per offerive ra mæ servitù.
Ghig. Con tutti ri patellammi dra vostra caza?
Poist. O via, tutte re parti son chì prezenti. Spieghæve presto, voreivo sciortî da sto guao?
Ghig. Sì, Signor.
Poist. Sottoscrivei questa scrittura.
Ghig. Non vœuggio sottoscrive ninte.
Poist. Portæro prexon, e metteighe re traverse à ri pê.
Ghig. Re traverse à ri pê? se va de galoppo!
Poist. Questo è ninte. Vaggo subito à fâve dâ ra corda.
Ghig. Ra corda?
Poist. Sì, sì, ra corda, ra sveggia, e doppo questo, non ne posso à manco de fâve appiccâ.
Ghig. Appiccâ? misericordia!
