 |
Questa pagina a no l'è stæta corretta. | |
|
Questa pagina a no l'è stæta corretta. | |
Tiburçio, e Martin-na (gridando tra loro)
Tibur. Te diggo che non ne vœuggio fâ dro ninte: che comando mi, e che tocca à mi à parlâ.
Mart. E mi te diggo, che vœuggio fâ à moddo mæ; e che non me son mariâ per dovei soffrî re tò impertinençe.
Tibur. Oh veramente ghe vœu assæ à trovâ per moggê un-na donna comme ti! o dixeiva ben Aristotele, che ra donna l’è pêso che un diavo.
Mart. Sentî, che bravo virtuoso, chi parla d’Aristotile!
Tibur. Sì, sì bravo virtuoso. Trœuvame un scciappao, un taggia-legne, chi sacce de lettera come mi, e chi agge servío un famozo mêgo, e così zoveno posse avei imparao à perfeçion tutto quello che sà mê patron.
Mart. Peste! se ti l’hæ dita grossa!
Tibur. Peste! se ti sæ manco cose ti te giasci!
Mart. Marviaggio l’ora e ro ponto, ch’ ho dito de sì con ti.
Tibur. Marviaggio quello sençâ chi ha aggrop-
