 |
Questa pagina a no l'è stæta corretta. | |
SERVILI.
Per fame un vero schiavo da cadenna,
E per pueime à sò posta strapassa
Amo m'ha fæto un tiro da corsa,
M'ha fæto fa unna bella madarenna.
Saruei ra Patronna à marapenna
Che Zaninna vì zù sciù ro Porta
Ohime ch'ò me n'hà fæto imbertona
Com'à puinto ro gatto dra mezenna.
Ond'hò perso ogni gusto, ogni rescioro;
Ghe son sempre à ra coa, sempre aderre,
Come s'à fuisse tutta quanta d'oro.
Zaninna cara, per amo de De,
Ghe diggo, ti no vei quanto t'adoro
Che per tì poæro un morto in sciù duoi pè?
