 |
Questa pagina a no l'è stæta corretta. | |
Per fame oro purgou dra sò foxinna
Amo, zà che vuoi m'hei per oropello,
A foego; à sciamma; à corpi de martello
Ro me cuoe nuoette, e dì sempre ò l’affinna.
Sempre ò ne cava tempera chiù finna,
Tanto che in fin con nobile modello
O ne fà oro pe ro vostro anello,
Lì sempre, Annima cara, ò me destinna.
Mà che me zova infin l'esse passou
A ro marco d'Amo per oro bon?
Per oro de ducatto? oro corou?
Se vuoi, che sei ra pria dro paragon,
A ra tocca dell'oro m'hei scartou,
Come fuisse oro faso, ò de laton?
