 |
Questa pagina a no l'è stæta corretta. | |
SÛNETTO 1
Son grato, sciô Cristoffa, a-a sò bontæ
E a quella immeritâ bonn-a opinion
Che scià l’ha do sò servo Martin bæ,
Poeta zeneize sensa pretenscion:
Ma mi no son da tanto, e no son bon
De fâ taxeì, con dâ de stafillæ,
I nêuvi vati andæti in procescion
A tiâ e fädette a-e Mûse strapassæ.
Bravi e strabravi!... posso solo dighe,
Amixi, pe aoa basta!... e lire abbasso;
Femmo ûn pö d’armistizio: bonne fighe!...
Zêughe a scacchi o ciù Brav[o 2] con l’Ebreo,3
Fasse nëgie o Negiâ,4 mangie o Lûccasso; 5
Sto mazzo poi cantiemo tûtti a reo.
