 |
Questa pagina a no l'è stæta corretta. | |
Ma, se scià é andæto lontan
Da-i mæ êuggi, scià no pêu
Lontanâse da-o mæ chêu,
Perche l'ho continuamente,
Giorno e nêutte a mi presente.
Se da Zena scià é partïo,
Se i amixi scià ha lasciôu,
Presto presto, spero in Dio,
Che o veddiö chì ritornôu
In perfetta sanitæ,
Prosperôu d’in ben in mëgio,
Ma per stâghe di anni assæ,
Fin che mi no vegne vëgio,
Onde consolâ i parenti,
I amixi e i conoscenti
Con l'antiga Patria moæ,
Con raxon tûtti dolenti
Che scià i agge abbandonæ.
Mi no posso, cäo sciô poin,
Che pregâ o Gesù Bambin,
Chi n’accorde ûn tanto ben;
E zacché ben presto ven
Quello giorno fortûnôu
De tripûdio ûniversale,
Da-i cristien dexiderôu,
