 |
Questa pagina a no l'è stæta corretta. | |
Da-i pûrganti, da-e pilloette
E da tanti serveziæ,
(Comme ä Borsa ben schissæ),
Quello raro Porto-porto,
Chi resciûscitieiva ûn morto,
O l'é tosto vegnûo sciûto,
Onde presto sö ridûto
A lappâ l'ægua appanâ,
O piscietta, vin nostrâ.
Oh meschin! pöveo Martin!
Ne-a sò gran convalescensa,
Chi ghe fa scappâ a paziensa,
N’aveì manco ûn pö de vin
De non dûbbia proveniensa,
O l'é ûn perfido destin.
Basta, scialla! me sovven
Che invitôu a ûn gran disnâ
D'ûn banchê chi me vêu ben
A-o dessert mandò a piggiâ
D’in cantinn-a (se no fallo)
Çerto vin particolâ,
Vëgio, dôçe Setuballo,2
E che tûtti i convitæ
L’han trincôu sensa caitæ,
Con applausi e ritornelli
