 |
Questa pagina a no l'è stæta corretta. | |
SÛNETTO 1
Me voeì fâ troppo insûperbî, Checchin,
Con dâme nêuve marche de bontæ;
Mi che son sccetto, e me piaxe a veitæ,
Me pä che attacchæ a-o gatto o sûnaggin 2.
Se foîse comme voî de tavolin,
Vorrieivo fâ restâ tûtti imbägiæ,3
Ma son ûn ommo lì comme se dæ,4
Fasso quello che posso da Martin.
Poco e ninte vä a mæ poetica limma;
Quando scrivo di versci e de farsette
Procûo de n’ëse mai scciavo da rimma;
Parlo senz’R 4 comme fa e donnette,
Troppo valûto di mæ amixi a stimma,
E ciù voî, che Martin fra i primmi o mette.
