 |
Questa pagina a no l'è stæta corretta. | |
SÛNETTO 1
Chi o l'é che, sensa cianze, vedde pêu
Questo parlante quaddro da Pietæ?..
Ah! che besêugna aveì de marmo o chêu,
Ëse zazzuin do Bello, o in cecitæ.
Con ciù anima, esprescion, grazia e veitæ
Esprimme da Gran Maddre o dô se pêu?
Ne-o figgio esangue gh’é a divinitæ,
Son vive e carni, vëo quello lensêu.
Lode per sempre a-o magico pennello
Do nostro sciô Fraschê, pin d’armonia,
Da baxâlo e levâseghe o cappello.
Ûnn’opera guidesca 2, ben finïa
Da servî pe accademico modello,
E figùrâ in qualunque galleria.
