 |
Questa pagina a no l'è stæta corretta. | |
SÛNETTO 1
Che bella cösa a-o mondo ëse sposoeì,
Çercâse ûnn-a donnetta per compagna
Chi seggie d’ûnn’etæ ciù tösto stagna,
E l'ommo manco ciù do primmo peì!
Mæ, cäo Manuello, voî che ve gödeì
Pe-a tersa votta zà questa cuccagna,
Che ûnn-a figgia eì piggiôu chi vä ûnn-a Spagna,
Dïme voî, dâ se pêu ciù gran piaxeì?
Ah! viva o matrimonio, e viva Amò![sic]
Viva chi piggia ciù d’ûnn-a moggê!
Viva a vostra sposâ che a pä ûnn-a sciô!
Ah! possæ tanti mascci aveì da lê
Quante sûccotti verdi ascäda o sô,
E figge?.... quante nosse 2 ëa in to pappê.
