 |
Questa pagina a no l'è stæta corretta. | |
Se veddeiva semivive
Corrî e genti e non conoscise.
No gh’é penna da poeì scrive
Cöse l'ëa a nostra çittæ.
Tûtti i ricchi disertæ,
O commercio abbandonôu,
Questo e quello bariccôu,
E bûtteghe ascì serræ.
Tûtto l'ëa paralizzôu.
Solo e stradde ëan popolæ
E da buscioe e da lettëe,
Che portavan a-i ûspiæ
Tanti pövei disgraziæ.
Cäri, lëze 2, rebellee,3
Con famigge che scappavan
Comme strasse lì ammûggiæ
E che incontro ä morte andavan.
Da ogni canto s’incontrava
Cataletti andanti ä Cava.
No sentivi che lamenti,
Che sospii, che lûi, che centi
E o tin tin di sûnaggin
Portâ o viàtico a-i languenti!...
