 |
Questa pagina a no l'è stæta corretta. | |
Chi perde guägna a-e liti comme a-i zêughi,
E l'é presto decisa ogni question,
Ché chi sbraggia ciù forte ha ciù raxon.
Ûnn-a votta da-i chêughi
I tötani in ta poëla se frizzeiva,
Aoa o tötano incangio frizze i chêughi.
A veitæ con sccettessa se dixeiva,
Aoa böxie vellæ,
E per baxi se ciocca de maschæ.
Regnava a bonn-a fede co-a giûstizia,
Aoa inganno e malizia.
A modestia e a saviessa
Diventan vizii sensa a sfrontatessa.
O conjûgale amô co-a fedeltæ
Son derisi e fischiæ;
A vigilansa sorve i sò figgiêu
Son antigagge de[sic] bandîse anchêu.
Tempo perso l’é a bonn-a edûcazion,
Beghin se dixe a chi ha da religion.
