 |
Questa pagina a no l'è stæta corretta. | |
Coscì abbrettio e a rompicollo,
Dâ de l'äze a Decandollo,4
D’imbecille a Taglieran:5
Pövei noî!... Pövei savan!
E per prêuva, dà ûn pö mente
A-o Congresso de Turin,
Ti ghe veddi çerta gente
Da no spendighe ûn quattrin,
Perchè g’han sotto o cappello
Da polenta per çervello,
Pù tì i senti all’indoman
Co-a patente de savan.
Quanti gh’ëan ch’avieivo zûôu
Che s’avessan all’ostaja
Ciù Barbëra consûmmôu
Ch’êujo e inciosiro in ta libbraja;
E quant’ätre micche sciocche
Che me paeivan articiocche...
Cöse l'é o giûdizio ûman?
Ëan, Tognin, tûtti savan!
Per exempio: o sciô marcheise
Fava mostra de capî
Tûtte e dispute e conteise
Di scienziæ, con applaudî,
