 |
Questa pagina a no l'è stæta corretta. | |
Me o mandòn treì giorni doppo,
Che o l'é questo che o camallo
O ve porta, e de regallo.
E sciccomme a mæ premmûa
Ëa de dîve sta fattûa,
(Ché no voeivo che pagasci
Per pan dôçe, pan de sasci)
Cammineì a Banchi asbriôu
Pe parlâve ûn pö in personn-a;
Ghe son stæto ûnn’oetta bonn-a,
Do gran freido ho remondôu,
Né veddendove arrivâ,
Ho dovûo a casa tornâ;
Ma, ohimemì! che, appenn-a intrôu,
Veddo in sala là pösôu
Quello pan che ve mandeì!...
In sciä primma no o creddeì,
Ché me paeiva ben de strania9
Che Feliçe Maraggian
Voese semenâ a zizzania
Fra noî duî pe ûn pö de pan,
E desfâ con questo fæto
O contratto ch’emmo fæto.
