 |
Questa pagina a no l'è stæta corretta. | |
Ægua de sûcca sccetta; .
Ché Aostin gran giornalista,
Di fêuggi direttô,
Sciaraddindovinista,3
Zizzoa panbrustolista,
Pittô, ristoratô
E grande macchinista,
Con tûtta a sciurbettesca
Famiggia e cuxinesca
De zelo raddoggiän,
Sempre ciù impegno aviän
De servî con prontessa
E con delicatessa
Per fâ restâ contenti
I bravi intervenienti
A questo bûtteghin,
Ché coscì vêu i padroin.
E chì, finindo in sdruccioli
A dedica co-a predica,
Ghe presentemmo sûbito
A macchinetta elettrica,
Sensa ciù dî ûnn-a scillaba,
Ché o resto o canta l'organo...
Salamelecche!... et cettera.
