 |
Questa pagina a no l'è stæta corretta. | |
Servitò,[sic] chêugo e Martin
Scigillôu con questo vin.
Beïvo ä sò salûte, evviva
O marcheize Pravexin,
Con lé,[sic] tûtta a comitiva!
Viva Campi! Viva Dio!
Benedicite ... ho finio....
Ûn momento ché Martin
Se scordò lûmmetti, fêughi,
Mortaletti e battaggiate
Che se meitan de cioccate;
Ma a ciù bella a fasso a-i chêughi
Pe-e vivande che n’han dæto
Delichæ, bonn-e, savoïe
Da leccâse finn-a e die,
E trillâ a barba 3 n’han fæto.
Viva i bravi chêughi e fin
Do marcheize Pravexin,
Sempre pronti attenti e lesti
Per servî ben sorve töa,
Che han stûdiôu tûtti i digesti
Per no dâ mai tregua ä göa!
