 |
Questa pagina a no l'è stæta corretta. | |
Quando e puïe son terminæ
E che e genti son calmæ,
Ogni giorno sciorte ûn poeta
Con di versci sgangheræ
Per fâ sovvegnî a cometa,
Per piccâse e per dî mâ
Ûn de l’ätro, e fâ giappâ
Tûtto Zena e ciù ûn caroggio
Con sûnnâ campann-e a doggio
Che finiscian per alloâ.
Vati cäi, no v’astissæ:
Cöse voeì che digghe Apollo?
Voeì ch’o fasse ûn protocollo?...
Bonn-e fighe, in paxe stæ,
Conservæ o becco pe-o vin,
Ché ven presto San Martin.
Se mi ho fæto de poexie
Ho çercôu de leva e puïe,
Cö Cordiale e cö Calmante,2
De comete tûtte quante
E de fâle piggiâ in rïe
Con racconti e di argomenti
Ciæi, lampanti e convinçenti,
E ciù d’ûn m’ha ringraziôu,
Prinçipiando da-o stampôu
