 |
Questa pagina a no l'è stæta corretta. | |
Comme mi de fâ o manente
Gh’è da mette a pansa in tæra;
A sentîli poi fâ guæra
Fra de lö pin de venin 3,
Paan vëi Guelfi e Ghibellin;
Chi ciù sbraggia ha ciù ràxon[sic];
Sbraggia sempre o ciù mincion.
Ma con fâ tanta gazzæa
Ghe dan pëzo che o sciô Giæa 4,
E con tûtta a sò caladda
Restan sempre a mëza stradda.
Non co-i diti, ma co-i dæti,
Non co-a lengua, ma co-i fæti
Se persuade raxonando,
Se raxonn-a argomentando,
E da-e bonn-e antecedense
Se tïa giûste e conseguense.
Mi che de mæ natûrale
In te cöse son neutrale,
E me piaxe o raxonâ,
Quando posso, sensa criâ,
Ignorante comme son,
Vêuggio dî ûn pö a mæ opinion,
