 |
Questa pagina a no l'è stæta corretta. | |
SCARAMUCCIA 1
Tûtti i giorni no se sente
Che fâ lödi, oppù lamente
Per promêuve, o screditâ
A gran pûrga da giornâ;
D’ogni pö sciorte ûn pappê
In favô, e contro de lê.
Çerti meghi co-i speziæ
Son co-e Mûse mëzi alleæ
E, fornindoghe e dottrinn-e
L’è sciortïo zà da-o Parnaso
De gombette 2 de sestinn-e,
Che nisciûn però han persuaso
A seguî o a schivâ Le Roâ,
E son stæte condannæ
A stâ in mostra da-i cartæ
O a servî da-o formaggiâ!
