 |
Questa pagina a no l'è stæta corretta. | |
Passa ûnn’oetta bellebonn-a,
Ëo mi ascì zà impazientïo....
Tûtt’assemme che me gïo 4
Veddo o minno co-o moettin.
« Arlecchin, ti ê de ritorno?
« E ti ascì, minetto cäo?
O gattin risponde gnäo,
E arlecchin, co-a testa, scì.
Smonta presto da cavallo,
S’arrampinn-a sciú pe-o letto
E o me dà questo massetto
Che, Leopoldo, mando a voî,
Voî che seì tanto erudïo,
Giûdizioso comme Noæ,
Vêuggio ûn pö che me spieghæ
Quelle scioette 5 cöse son.
Se ve paan de bon augûrio
Che agge presto da sciortî,
Fæ o piaxeì, quando vegnï,
Fæme questa spiegazion
