 |
Questa pagina a no l'è stæta corretta. | |
No veddieivo i bastimenti
Ciù marçî ne-o nostro porto,
Ne da-a famme o mainâ morto,
Ma partî con tûtti i venti
Per portâne da lontan
Abbondansa, dinæ e pan,
Consolando a sò famiggia
Che languente a se roziggia.
Travaggieiva o porto-franco,
Se fæ de gren spedizioin,
S’arviæ tûtti i magazzin,
Né serræ veddieivo manco
Tante fabbriche runfâ 12
Per no poeì vende e accattâ.
L’indûstrioso lavorieiva,
E do pan se guadagnieiva,
Repiggieiva a nostra Borsa,
Che a l’é a sola mæ risorsa,
E appendieivo o chittarin
Pe andâ a Banchi a gïâ o martin 13.
Ché se a va de questo pê,
Gh’assegûo, cäo sciô Michê,
