 |
Questa pagina a no l'è stæta corretta. | |
E ghe fö ûn gran brindixon,
Criando forte: Evviva! Evviva!
Mæ fræ Luigi co-a berretta
Vegnûo anchêu de bon ûmô,
E sò figgia Marinetta
Ch’a fa a-o meistro grande önô;
A sciâ Ottavia co-a scuffietta
Da pupponn-a... e che so io;9
Mæ sêu Angenn-a co-a cönetta
Per collann-a; e, viva Dio!
Mi Martin, poeta stoppin,
Che v’aviö tosto stordïo.
Viva ascì a chêuga Nënin
Che a porriä frizze in ta poëla
A cometa do sciô Biela,
Per mandâghene ûn pittin
A scabeccio in te l’axôu
Perchè o reste consolôu;
E con questo rompo a piva:
Viva sempre tûtti, Evviva!
