 |
Questa pagina a no l'è stæta corretta. | |
Sciù ri are, Minetta, d'un sospiro
Sento che Amô m'arranca da ro cœu
L'añima, e che à sò lœugo a torna pœu
Recciamâ da un caldissimo respiro.
E sæto quante votte a fà sto giro?
Tante, quante à ro dì me ven in cœu,
Che ti ê ciù d'uña vipera e un lagœu
Crúa, e m'arrençeniscio solo in dîro.
Ò mœuvite uña votta à compassion,
Ò bœuttame ra raggia e ro venin,
E fa che cólle[sic] l'urtimo boccon.
Mi vaddo dri mæ giorni à ri confin;
Ti ti averæ ra gran consolaçion
D'aveime visto fâ l'urtimo fin.
