 |
Questa pagina a no l'è stæta corretta. | |
Me trœuvo stuffo e stanco
De questa marottía,
Parlo dra giroxía,
Chi ve fa vei vescighe per lanterne.
Nè in terra nè in mariña
Non troverei meixiña.
Così ec. ec.
Me stracquo e m'affatigo
Con dî, son innoçente;
E me dæ giusto mente,
Comme ne dà ro Pappa à ri forfanti.
Tutto ve finzei vero
Ogni vostro pensiero.
Così ec. ec.
Finimmo questa vitta,
Maxinâ, ve sconzuro;
Atrimenti ve zuro
Che morirò de cruçio e pin d'affanno.
Dunque à raxon ni à torto
Per mi non gh'è conforto?
Così ec. ec.
