 |
Questa pagina a no l'è stæta corretta. | |
Vorræ savei, Minetta,
Perchè non me guardæ;
E così dura stæ,
In aria de scorroçço e d'arraggiâ?
Cos'è sta stravagança?
Povera mæ costança!
Così me strapaççæ?
Intendo, voî vorei veime un dì morto.
Sì sì che morirò,
Contenta voî sarei.
Tutto dì seì giroza,
Che parle à questa ò quella,
Sæ brutta, ò segge bella,
Tutto ve dà fastidio, e pe ro nazo,
Devento tosto matto,
No ghe troevo[sic] recatto,
Così ec.
Intendo ec.
Sì sì ec.
Contenta ec.
