 |
Questa pagina a no l'è stæta corretta. | |
Dîme un poco, caro amigo,
Comme andò quella bugâ,
Quello cæto, e quell'intrigo
Dra Fornæra e dro Fornâ?
2
A se conta in çento mœui:
No se sà uña veritæ.
Chì se fan foghetti e rœui
In Villezzo e per Çittæ.
3
Fù desgraçia, quello dixe:
Che l'è riscia, se sosten;
Che v'han rotto re cornixe,
À uña voxe ognun conven.
4
Voî scovei compatimento,
Chi ve dà torto e raxon.
Parlan mille, parlan çento,
Ma nisciun sà ra caxon.
5
Se dixeiva l'atro giorno,
Ch'eri cœutto iñamorao
Dra Fornæra, e che d'intorno
Gh'era un'atro inspiritao,
