 |
Questa pagina a no l'è stæta corretta. | |
5
Dro Duxe, chi governa
Con prudença e savei,
Ne vagghe famma eterna
Donde ro Sô pœu vei.
In lê vive moderna
Ra nostra antighitæ. Viva ec.
6
L'è giusto, l'è clemente,
Degno de comandâ:
L'è savio, l'e prudente;
Quanto se pœu moæ dâ.
In lê son tutte quente
Re degne qualitæ. Viva ec.
7
Viva chi è stæto à parte
Dro dôçe e dro bruxô,
Dro mondo in ogni parte,
Dra nostra Patria ónô.
Che ro sò nomme in carte
Scrito e stampao ghe sæ. Viva ec.
8
In marmaro memoria
E in bronzo dê restâ
De chi con somma gloria
Se fè sacrificâ;
E se ne faççe istoria
À ra futura etæ.Viva ec.
9
Viva ri gentilommi,
Viva ri çittadin,
Viva ogni sorte d'ommi,
E grendi e piccenin,
Tutti ri galantommi
Che s'en adœuveræ! Viva ec.
