 |
Questa pagina a no l'è stæta corretta. | |
Viva Maria, criando ciù ro cœu,
Che arma a se sæ, l'ha visto l'iñemigo,
Chi ne aveiva tesciúo ro brutto intrigo,
Da ro quæ semmo uscíi ro dì d'ancœu.
Zena senza de Voî, Maria, non pœu
Un giorno avei libero da perigo.
Ra megio proteçion, ro megio amigo
L'è ro vostro favô : digghe chi vœu.
Voî sempre ne darei força e vigô:
Tutti ri groppi ne desbroggerei,
E usciremmo da tutto con ónô.
Ro vostro Divin Figgio, se vorei,
Tutto l'è pronto à fâ per vostro amô.
Maria, dunque agiuttæne Voî che poei.
