 |
Questa pagina a no l'è stæta corretta. | |
Maria d'Immacolata Conceçion,
Ra Patroña dro popolo Zeneize,
Se voi ne farei fronte à re defeize,
À battaggia sfiemmo infin ro tron.
L'arma forte dra nostra devoçion
Verso de Voî fè fuzzî via l'Ingleize,
E fè netto dro tutto ro paeize
Da bombe d'iñemixi, e da cannon.
Viva Maria, ro scuddo e l'armadura
D'ommi, donne, garçoin, fin dri figgioeu,
Fonte dra nostra aodaçia e bravura.
Criemmo dunque tutti e drento e foeu
D'aora in avanti in ogni congiontura,
Viva Maria, criando ciù ro cœu.
