 |
Questa pagina a no l'è stæta corretta. | |
Minetta, mi ve sbrigo presto presto,
Perchè son sccetto comme l'ægua in mâ;
Ni tegno mai ro stœumago indigesto,
E diggo ro mê ben con ro mê mâ.
Quello sciaccâ de l'œuggio, e quello gesto
A ro sciô Púa, perrucca inçepriâ,
Rizate, e cicciorezzi, e taxo un resto:
Per dívera, m'han fæto un pô imbósâ.
Dri nostri amoî me scordo tutt'affæto;
Mai ciù m'intrigo à scoffie, ni fâdette,
E non sarò moæ ciú chi son zà stæto.
Uña non se ne trœuva ciù de sccette,
Che tutti ne paghæ d'un brutto træto.
Sei tutte venti da sciugâ berrette.
