 |
Questa pagina a no l'è stæta corretta. | |
Me sciallo ciù de stâmene
Ne-e sinse do despeôu
Che in te superbe borse
Do ricco gallonnòu.
Voeiva risponde o Luiggi
Andæto fêua de lê,
Quando passando a caxo
I vidde un passagê;
Fortun-na! (o disse) scialla!
Subito o se chinò,
E tutti dui in ta stacca
Allegro o se cacciò;
Ma indovinæ? o quattrin
A cose o l’è servio?
A un poveo per limoxina
O dè pé amô de Dio;
L’atro o l'andò in ta stacca
De çerte belle figgie
Per çerta bagattella . .
No so se sciâ me piggie.
.jpg)
