 |
Questa pagina a no l'è stæta corretta. | |
O Luiggi, e o Quattrin.
.jpg)
Se trovò un giorno a caxo
In tëra, e assæ vixin
In mezo d’un-na stradda
Un Luiggi c’un Quattrin;
De veddise d’appresso
Reston ben mäveggiæ,
E sten pe un pesso mutti,
Ammiandose incantæ;
O Luiggi poi superbo
Con aja de venin
O disse in äta voxe
A-o so Rivâ Quattrin,
" Cose ti fæ, viliscimo
" Plebeo dinâ strasson
" Accanto d’un mæ pao?
" E ti no sæ, chi son?
" Mi abito sempre e borse
" Di Prinçipi, e di Scioî,
" E i Regni ciù potenti
" Mi servo a sostegnî;
