 |
Questa pagina a no l'è stæta corretta. | |
8.
Ma zà ro Cuoé me dixe,
Che l’invio è accettao, ra gracia, è, fæta,
Che ra parolla, è, andæta
De l’invio da Parnazo dre Valixe;
Ra Barca, Apollo, è in stiva;
A ra Riva, à ra Riva;
Mentre ro Carriaggio se scavarca
Sciù sciù Muze à ra chiazza in barca, in barca.
9.
A si ben visto arrivo
Ro Levantollo quanto moæ soave
Pronto per cortezave
S’ode brillá come l’arinto vivo;
Pá che, o, digghe protesto,
Muze, d’esse chi lesto
A serví per Pilotto, e per Ostaggio
Nell’andæta, e retorno dro viaggio.
